Nangipila iti agsina a petition for bail iti Sandiganbayan ti kampo ni Senador Jinggoy Estrada, kasta payen da dati a Cong. Mike Defensor ken ni Joseph Espiritu, gapu kadagiti sangsangwenda a kaso a plunder.
Iti petision nga impila ti law firm a Flaminiano Arroyo & Dueñas babaen iti panangidaulo ni lead counsel Atty. Laurence Hector B. Arroyo iti Sandiganbayan Fifth Division, impaganetget ti depensa nga adda karbengan ni Estrada a makapiansa gapu iti mapapati a saan a natibker nga ebidensia ti prosekusion kontra kenkuana.
Impaganetget ti depensa nga awan ti pammaneknek a nagkiddaw wenno immawat ni Estrada iti kickback wenno komision manipud kadagiti infrastructure ken flood control project ti Department of Public Works and Highways (DPWH) wenno nakaru-or iti P573.75 million nga ill-gotten wealth.
Maipalagip nga impila ti Office of the Ombudsman ti kaso kontra ken ni Estrada idi 2028.
Nakaibalud ita ti senador iti New Quezon City Jail idiay Barangay Payatas kalpasan a makemmeg idi Hunyo 1.
