--Ads--
Impasigurado ti Philippine National Police ti buo a kooperasion da iti baro a naipasdek nga Extra-Judicial Killings (EJK) Truth Commission.
Gagem ti komision nga i-dokumento dagiti panagpatay ken panagabuso iti salinong ti kampania kontra iti ilegal a droga ti administrasion ni dati a Presidente Rodrigo Duterte.
Pinasingkedan ni PNP Chief Gen. Melencio Nartatez Jr. nga inawat da ti aniaman nga independent initiatives a gagem na a mangted ti hustisia kadagiti nagbalin a biktima.
Innayon ni Nartatez a suportaran ti PNP ti panagsapol ti kinapudno ken makitinnulong iti komision kas panangsurot kadagiti legal a protocol.
-- ADVERTISEMENT --
Nabukel ti nadakamat a komision babaen dagiti lider ti civil society ken adda buo a suporta manipud iti Catholic Church.
