Dinepensaran ti House prosecution panel ti witness a ni Arturo Lascañas kontra kadagiti alegasion a maysa isuna a discredited witness gapu iti panagbaliw ti testimonia na mainaig ti Davao Death Squad (DDS).
Pinasingkedan ni House prosecution counsel ken legal spokesperson Atty. Benjamin Tolosa Jr. a masapul nga ikonsiderar ti nagbalin a palawag ni Lascañas no apay a binaliwan na ti nagbalin a testimonia na iti imbestigasion ti Senado idi 2016 iti isyu ti extrajudicial killings (EJK).
Impaganetget ni Lascañas a pinaglibakan na ti ammo na iti DDS iti bilin ti sumagmamano a personalidad, pakairamanan da dati a Philippine National Police (PNP) chief Ronald dela Rosa ken ni Sen. Alan Peter Cayetano, tapno protektaran ni dati a Presidente Rodrigo Duterte.
Imbabawi ni Lascañas ti testimonia na ken inaklon ti pannakipaset iti panagpatay dagiti mapapati a karaman iti ilegal a droga a maipagarup a naisayangkat babaen iti bilin ni idi ket Davao City Mayor Rodrigo Duterte.
Inakusaran na pay ni Vice President Sara Duterte kas maysa kadagiti arkitekto ti Oplan Tokhang.
