Nangrugin ti umuna a public truth-telling session ti PH Truth Commission mainaig kadagiti maipagarup nga EJK iti drug war ti administrasion ni Duterte.
Maitampok iti umuna a pannakadengngeg ti kaso ti 19-anyos a ni Raymart Siapo, a segun iti inana ket nakidnap ken napapatay idi 2017.
Indatag ni Dr. Raquel Fortun dagiti forensic findings a mangipakita a mabalin a napaltogan ni Raymart iti ulo ken nagkwestyon kadagiti iregularidad iti napalabas a medico-legal report.
Impaganetget ni Cardinal Pablo Virgilio David ti trauma dagiti nabati a pamilia, idinto a kinuna ni Raul Pangalangan a napateg a maidokumento dagiti kaso tapno mataginayon ti rekord ti kinapudno.
Mabalin nga ipasa dagiti natakuatan ti komision kadagiti ahensia ti gobierno ken international nga organisasion a mangitantandudo iti karbengan ti tao para iti mayannatup nga aksyon. Kloefe Jayna Dayag
