Nagballag ni Manila 3rd District Rep. Joel Chua a no saan nga umetendar ita nga aldaw dagiti pito nga opisyal manipud iti Office of the Vice President (OVP) iti hearing para iti imbestigasion ti Kamara ket mabalin a ma-contempt of Congress ken maarestar.
Ti imbestigasion ket no kasano a ti P612.5 milion confidential funds nga inusar ti OVP ken Department of Education (DepEd).
Namin-adun a pinaayaban ti House committee dagiti opisial, ngem saanda nga ikaskaso, ken maysa pay nga opisial a ni Zuleika Lopez, ti napan idiay US sakbay ti naituding a hearing.
Kitkiaen ti komite no kasano a nagastos ti OVP iti P500 million ken no kasano a naggasto ti DepEd iti P125 million a pondo.
Natakuatan ti Commission on Audit (COA) dagiti parikut no kasano a nagastos ti OVP ti pondo.
