Umabot iti 255 wenno nasurol two-thirds iti Kamara de Representantes iti nagbotos tapno ma-impeach ni Vice President Sara Duterte.
Duapulo ket innem met iti nagbotos a kontra iti rekomendasyon iti House Committee on Justice nga i-impeach ni Duterte ken siam iti nag-abstain.
Ti laeng kasapulan tapno ma-impeach ni Duterte ket 106 a botos wenno one-third iti 318 a pakabuklan a bilang dagiti miembro iti Kamara.
Kasaruno iti panagbotos ket ipan ti Kamara iti Senado iti Articles of Impeachment para iti pannakaisayangkat iti trial.
Uppat ti article iti impeachment iti inaprubaran ti House Justice committee.
Ti Article I ket mainaig iti mapapati a madi a panagaramat ti confidential funds a pakabuklan a P612.5 million iti salinong ti Office of the Vice President ken Department of Education.
Ti Article II met ket mainaig iti mapapati a saan a maipalawag a baknang ni Duterte ken ti saan nga agpada nga Statement of Assets Liabilities and Net Worth (SALN) ken ti panangpatalinaed iti interest-da iti sumagmamano a negosyo uray isuna ket bise presidente.
Ti Article III ket mainaig met iti mapapati a panangted ti kuarta dagiti opisyal iti Department of Education nga adda pakainaigan ti procurement process iti ahensya.
Ken ti Article IV ket mapapati a mainaig iti pangta ni Duterte kada Pres. Ferdinand Marcos Jr., First Lady Liza Araneta Marcos ken dati nga Speaker Ferdinand Martin Romualdez.
