Impatangken ni Baguio City Rep. Mauricio Domogan a nakaaramid ni Vice President Sara Duterte dagiti panaglabsing a maibilang nga impeachable offense.
Nagsarita ti agpampanday linteg bayat a nakapenpen pay laeng iti plenaryo iti Kamara ti consolidated article of impeachment kontra iti bise president.
Segun ken ni Domogan, nalawag kadagiti serye iti panagdenggeg iti House Justice Committee dagiti basol ni VP Sara, pakairamanan ti betrayal of public trust ken culpable violation of the Constitution.
Dayta ket mainaig ti maanomalia a panagaramat ti P612 million a confidential funds iti Office of the Vice President ken Department of Education (DepEd).
Karaman pay dagiti alegasyon dagiti discrepancies iti nagbaetan ti bank records ken declared Statement of Assets, Liabilities, and Net Worth (SALN), malaksid pay iti dadduma nga isyu.
Innayon ti agpampanday linteg a saan a nangipakita iti aniaman nga adding ti kampo ti bise president tapno paglibakan dagiti pammabasol iti baet iti gundaway nga inted ti komite para iti biangna.
