Nakemmeg ti National Bureau of Investigation dagiti pito a tattao a nagpayam-ammo nga opisyal idiay Malakanyang ken mapapati a konektado ken ni First Lady Liza Marcos tapno makalimlimo.
Segun ken ni NBI Director Jaime Santiago, target ti grupo dagiti agkalikagum a maaddaan ti posisyon iti gobierno ken uray dagiti kayatna a ma-promote a presidential appointee.
Karaman pay ti targetda dagiti nadutokan idi napalabas nga administrasyon a mapapati nga agnga-ngabit a maikkat iti pwesto.
Kinuna ni Santiago nga umabot ti P500,000 agingga maysa a million a pisos ti ikikil dagiti suspek tapno iproseso ti mapapati a papeles dagiti biktimaenda.
Naisayangkat ti verification ti NBI iti Presidential Management Staff wenno PMS tapno maamoan nu adda kamengda nga agnagan ti JV Cruz ken maysa nga assistant secretary ket naduktalan nga awan isu a naisayangkat ti operasyon manipod La Union agingga Quezon City.
VIDEO – NBI DIRECTOR JAIME SANTIAGO
