Nagpanawagan da Senador Panfilo Lacson, Senador Risa Hontiveros, ken Senador Raffy Tulfo kadagiti miembro ti majority bloc nga umatendar iti sumaruno a session ti Senado.
Daytoy ket tapno maituloy ti trabaho iti tengnga ti saan a panagkinnaawatan ti nagbaetan ti mayorya ken minorya.
Segun ken ni Senador Lacson, masapul nga agpakita da iti session ita nga aldaw tapno maipakita iti publiko nga ar-aramiden da met laeng dagiti responsibilidad da kas maysa a public officials.
Kabayatanna, pinasingkedan ni Senador Risa Hontiveros a saan a masapul a pagtalnaen ti Senado iti panawen nga adu dagiti napapateg a masapul a mapagpapatangan ken matratar.
Para met ken ni Senador Raffy Tulfo, namnamaen na nga adda latta kadagiti miembro ti majority bloc a priyoridad da dagiti responsibilidad kas maysa a nabotosan nga opisial.
