--Ads--
Pinasingkedan ti Philippine Chamber of Agriculture and Food Incorporated a saan a sustainable ti inisyatibo ti pagilian nga agilako iti daan nga stock ti bagas manipud iti National Food Authority iti gatad a PHP29 kada kilo kadagiti vulnerable sector.
Segun ken ni PCAFI president Danilo Fausto, saan koman nga ilako ti NFA ti stock da ta panawenen ti panagtutudo ket numan bilang dumteng ti didigra, awanton ti mairuarda a stock.
Innayonna a mabalin nga adda madi nga impresyon ti inisyatibo a “Bigas 29” a daytoy ket posible a saan a sustainable malaksid laeng no baklayen ti gobierno dagiti pukaw.
Nupay kasta, inkalintegan met ni Department of Agriculture Assistant Secretary Genevieve Guevarra a sustainable ti programa.
-- ADVERTISEMENT --
