Impakaammo ni Interior Secretary Jonvic Remulla a nangiruar ti red notice ti International Criminal Police Organization (Interpol) kontra ken ni dati a Bureau of Corrections (BuCor) Chief Gerald Bantag.
Segun ken ni Remulla, opisyal a masapsapul iti intero a lubong ni Bantag maipanggep iti sangsangwenna a kaso.
Ti Interpol red notice ket maysa a kiddaw dagiti law enforcement agency iti agduduma a pagilian tapno masapulan ken makemmeg iti maysa nga indibidual bayat a mayur-uray ti extradition wenno dadduma pay a legal a proseso.
Ni Bantag ket sumangsango kadagiti kaso nga adda pakainaigan iti mapapati a pannakatay ni broadcaster a ni Percival “Perci Lapid” Mabasa ken ni Cristito “Jun Villamore” Palaña a maibagbaga a middleman iti pannakatay ni Lapid.
Idi October 2022, napapatay ni Lapid iti ambush iti asideg iti pagtaenganna idiay Las Piñas City.
Nasikat ni Lapid a komentarista a masansan a mangbabbabalaw ken ni Bantag iti online radio program.
