Saan a kinakurang iti pondo, ngem ti kina-awan ti disiplina iti panangipatungpal wenno “execution discipline” ti kangrunaan a rason no apay a narigat latta a makaala ti pautang dagiti mannalon iti pagilian.
Daytoy ti pinasingkedan ni Representative Arthur Yap iti napasamak nga European Chamber of Commerce of the Philippines (ECCP) Sustainable Agriculture Conference.
Ni Yap a nagserbi kas dati nga Agriculture secretary ket nangipaay ti sentimyento-na basar iti kapadasan na iti sektor ket impaganetget na a nasurok P200 bilyon ti budget ti DA kada tawen ken adda dagiti linteg kas ti Agri-Agra Reform Credit Act, ket agtaltalinaed latta a narigat ti kapital kadagiti babassit a mannalon.
Kinuna ti agpampanday linteg a saan a ti kinakurang ti kuwarta ti pagilian ngem iti madi a wagas iti panangipatungpal kadagituy.
