Pannakayatiddug ti retirement age dagiti Pulis ken pannakaibaba iti cumpolsary retirement age ti mangisursuro, idurduron ti dadduma a Senado

Idurduron ti dadduma a Senador iti pannakayatiddug ti edad ti panagretiro dagiti polis, mannursuro ken non-teaching personnel ti Department of Education (Deped).
Iti naipila a Senate Bill No. 2758 wenno ti Act Increasing the Compulsory Age of Retirement para kadagiti Officers ken Non-officers ti Philippine National Police (PNP) babaen ken ni Sen. Imee Marcos, kayatna nga ipangato ti edad ti panagretiro manipud 56 agingga iti 57 years old.
Kayatna pay nga amyendaran ti section 39 ti Republic Act no. 6975, wenno amammo kas “Department of the Interior and Local Government act of 1990.”
Panggep ti nasao a singasing ti panangtulad ti edad ti panagretiro dagiti opisial ken personnel ti PNP manipud 56 agingga iti 57 ti tawenda a kapada ti Armed Forces of the Philippines (AFP), tapno masigurado ti panagtultuloy ken kinatalged ti liderato ken kinasayaat iti PNP.
Iti agdama ti mandatory retirement age ti maysa nga opisial ti polisia ket 56 a tawen.
Kabayatanna, nangipila met ni Senate President Francis Chiz Escudero iti Senate Bill 58, wenno ti proposal a mangibaba iti compulsory retirement age dagiti empleado ti DepEd manipud 65 years old agingga iti 60 years old agraman dagiti public teachers.