--Ads--
Impakaammo ti Philippine National Police nga awan pay ti naawat da nga aniaman a warrant of arrest manipud iti International Criminal Court kontra ken ni Senador Ronald Bato Dela Rosa.
Inlawlawag ti PNP nga agingga iti agdama ket awan pay ti simmangpet nga opisial a bilin tapno tiliwen ti date nga hepe ti kapulisan a maysa ita kadagiti kangrunaan a personalidad iti imbestigasion ti ICC mainaig iti war on drugs.
Segun ken ni PNP Chief General Jose Melencio Nartatez Jr., nakasagana nga aramiden ti mandato da ngem masapul a dumalan iti husto a proseso. Ti pakaammo ti PNP ket kasaruno ti panangilawlawag ti ICC nga awan pay ti baro nga arrest warrants a nairruar kontra iti war on drugs ti napalabas nga administrasion.
