VIGAN CITY- Im- imbestigaran pay laeng dagiti kameng ti Bureau of Fire Protection ti nakaigappuan ti uram a kimmayamkam iti century old gabaldon building idiay Santa Central School idi kalman.
Segun ken ni Fire Senior Inspector Elmer Acapuyan ti BFP-Santa, walo a fire station iti nagtitinnulong sakbay da a nadepdep ti uram kalpasan iti uneg iti uppat a pulo ket lima a minutos a nakadadaelan dagiti alikamen iti pagadalan a mapatta-patta nga aggatad iti minilyon a pisos.
Kabayatanna, awan iti nadangran iti napasamak ngem naitaray idiay Santa Rural Health Unit ni Principal Elsie Alamani ta ngimmato ti presyon ti dara na idi nakita na ti napasamak ngem ita ket natalgeden iti kasasaad na.
Ti gabaldon building a nauram ket mapapati a naipatakder idi panawen ti World War ngem natarimaan laeng idi naisayangkat ti Palarong Pambansa ditoy probinsiya idi Abril.
