Awan ti nadangran iti pannakatukbob ti nakamotorsiklo iti maysa a kotse iti national highway idiay Barangay Villa Garcia, Sta. Cruz, Ilocos Sur idi kalman, April 18, 2026.
Ti nagmaneho iti Toyota Vios ket babai nga agtawen iti tallopulo, addaan ti driver’s license nga agnaed idiay Barangay Banbanaba, Sta. Lucia.
Ti met nagmaneho iti Yamaha Sniper motorcycle ket lalaki nga agtawen iti duapulo ket tallo, addan ti driver’s license nga agnaed idiay Barangay Matallucod, Sigay.
Sakbay iti insidente, agpada nga agpapa-amianan a direksyon dagiti dua a lugan idin nagpreno ti driver iti kotse tapno maliklikan ti lugan nga adda iti sangona a kellaat a nagpreno, ngem napaay met ti nakamotor a nagsardeng a gappuanan isu a natukbobna ti kotse.
Agpada a na-damage dagiti dua a lugan ngem saan nga ammo no mano ti gatad ti nadadael a paset.
