Tallo ti nadunor iti napasamak a panagdinnungpar ti traysikel ken motorsiklo idiay national highway sakupen ti Barangay Libtong, ili ti Tagudin.
Ti nagmaneho ti traysikel ket agtawen ti uppat a pulo ket walo, naasawaan, residente ti Barangay Tampugo ti nadakamat nga ili.
Ti met nagmaneho ti Rusi motorcycle ket agtawen ti duapulo ket siam, backrider na ti agtwen ti sangapulo ket pito, agpada a residente ti nadakamat nga ili.
Basar ti CCTV footage, agpada a daldalyasaten ti dua a lugan iti national highway ket idi madanon da ti nakapasamakan ti insidente, ti motorsiklo nga adda iti amianan ti kalsada ket nag-overtake kadagiti lugan iti sangoanan agingga inagaw na ti linya ti traysikel iti abagatan a paset ti kalsada rason ti panagdinnungpar da.
Nadunor iti agduduma a paset ti bagi dagiti karaman iti insidente a dagus da a naipan iti balay pagagasan para ti naan-anay a pannakatamingda.
Naammuan a ti nagmaneho ti motorsiklo ken iti backrider na ket nakainom ti arak idi napasamak ti aksidente.
