Impatungpal ti gobierno ti baro a patakaran a mangituding ti limitasion iti panaggaraw ti presio dagiti produkto petrolyo kasaruno ti deklarasion ti national energy emergency.
Segun iti Department of Energy (DOE), saan a direkta a kontrolen ti gobierno ti mismo a presio ti langis ngem limitaran da laeng no kasano ti pagngatwan ken pagbabaan-na.
Iti salinong ti patakaran, obligado a suroten dagiti oil company ti naikeddeng a minimum rollback ken maximum price increase.
Immuna a nag-anunsio ti sumagmamano a kompania ti langis ti rollback nga umabot iti 24.94 kada litro ti diesel, P3.41 iti gasolina ken P2 iti kerosene.
Segun ken ni Garin, masapul a suroten dagiti kompania ti nakatuding a rollback wenno nasursurok ngem daytoy idinto a saan met a mabalin a nangatngato ti ngumatoan na iti ikeddeng ti Department of Energy (DOE).
