Naalaan ti paltog ti maysa a lalaki a na-disgrasia idiay Barangay Bayubay Norte, ili ti San Vicente.
Ti suspek ket agtawen ti duapulo ket innem, furniture-carpenter, residente ti Barangay Poblacion, iti nadakamat nga ili, minaneho ti Yamaha Aerox.
Iti pannakiuman ti Bombo Radyo Vigan ken ni PCPT Sherwin Beronya ti San Vicente Police Station, agturong iti abagatan a direksion ti suspek ket idi nagteng na ti nakapasamakan ti insidente, naawanan ti kontrol iti manibela ti drayber ti motorsiklo isu a na-disgrasia.
Pinadas dagiti witnesses a tulongan ti drayber ti motorsiklo ngem nagbuteng da gapu iti nakitada a paltog isu nga impakaammo da kadagiti pannakabagi ti linteg.
Segun ken ni Beronya, idi nagresponde da ket dituy a naala da ti cal. 45 armscor ken maysa a piraso ti magazine assembly loaded ti sangapulo a piraso ti cal. 45 ammunitions.
Awan ti naipakita ti suspek a naan-anay a dokumento iti panagikot na ti paltog rason ti nakatiliwan-na.
Naammuan a nakainom ti arak ti suspek idi napasamak ti insidente.
