Naalaan ti mapapati a shabu ken marijuana ti maysa a welder iti naiwayat a buy-bust operation iti ili ti San Juan.
Ti suspek ket agtawen ti duapulo ket walo, drug personality a maibilang nga Street level Individual.
Naala manipud ti suspek ti 0.413 grams ti mapapati a shabu nga aggatad ti P2, 808 a nakaikabil iti tallo nga heat sealed transparent plastic sachet ken 4.620 grams ti mapapati a napagango a marijuana nga aggatad ti P554 a nakaikabil iti maysa nga heat sealed transparent plastic sachet.
Dagiti met naala a non-drug evidence ket pakairamanan ti toother, pouch, P1, 000 genuine money a nagserbi a buy bust money, P2, 555 a personal money, cellphone, driver’s license, bag ken coupon band.
Addan ti suspek ken dagiti naala nga ebidensia iti kustodiya ti San Juan Municipal Police Station para ti naan-anay nga imbestigasion ken proper disposition.
