Idurduron ti sumagmamano a kongresista babaen ti panangidaulo ni Akbayan Party List Rep. Chel Diokno a maiyatiddog agingga 105 nga aldaw ti paternity leave manipod iti agdama a pito nga aldaw.
Makaipauneg ti House Bill 9891 wenno gatad a Paternity and Parental Leave Act wenno maawagan a PAPA Leave Act nga impila ni Diokno ken dagiti kakaduana iti Akbayan Party-list a da Representatives Perci Cendaña ken Dadah Kiram Ismula, ken Dinagat Island Rep. Kaka Bag-ao.
Kinuna ni Dioko a ti gakat ket panangbigbig iti saan a a maipada nga akem ti ama iti panangpadakkel kadagiti annakda ken panangpapigsa iti pamilia.
Naipaganetget ti gakat ti presensya dagiti ama iti kritikal a kasasaad ti biag dagiti maladaga ken makatulong tapno mapasayaat ti development dagiti ubbing.
Innayon ni Diokno a papigsaen ti gakat ti panangtaripato ti anak ket saan a solo a responsibilidad dagiti ina ta rumbeng laeng a katinnulong dagiti ama.
