Nangisayangkaten ti konsultasyon dagiti abogado ni House Deputy Minority Leader ken Akbayan Party-list Rep. Perci Cendaña para iti mayannatup a legal nga addang kontra kadagiti responsible iti panangdadael ken personal a panagatake kenkuana iti online man wenno offline.
Anamungan ni Cendaña a kas public official ket paset ti trabahona dagiti kritisismo ken panagadal iti publiko isu a saanda a rumbeng nga agbalin a balat-sibuyas.
Ngem impaganetgetna nga adda pagpatinggaan ti amin nangruna no maar-aramaten ti medical condition-na kas maysa nga stroke survivor tapno ibabain isuna ken pagkakatawaan.
Impaganetgetna a ti rangkap ket saan a nakakat-katawa ken saan a rumbeng a pagbalinen a gameng tapno dillawen, ibabain wenno i-dehumanize ti maysa a tao.
Siguradoenna a saanna a baybay-an ti nasao a klase iti panagbastos ken ti tignayna ket saan laeng a para ti bagina no diketdi para iti stroke survivors ken Persons with Disabilities (PWDs) a biktima iti pammabalaw, pannakaibabain ken panangdadael ti dignidad.
