--Ads--
Impaganetget ni House Speaker Bojie Dy nga agtalinaed a prayoridad iti Kamara iti Second Regular Session dagiti gakat nga adda direkta nga epektona iti inaldaw-aldaw a panagbiag dagiti Pilipino.
Segun ken ni Dy, karaman kadagiti maipangruna ti food security, edukasyon, healthcare, digital transformation, public safety, ken panagpartuat iti ad-adu a trabaho ken oportunidad.
Kinuna pay ti Speaker a papigsaen iti Kamara ti committee system ken ti konsultasyon iti agduduma a sektor tapno mapadaras ti pannakaipasa dagiti gakat bayat a masigurado iti kalidad iti tunggal maysa.
