--Ads--
Inyusuat ni Presidente Ferdinand Marcos Jr. ti Education Philippines (EduPhil) Program tapno agbalin ti pagilian a destinasion dagiti ganggannaet nga estudiante nga agsapsapul iti nangatngato nga edukasion.
Naipasdek ti EduPhil babaen ti Executive Order 124 tapno mapalawa ti nangatngato nga edukasion ti Pilipinas babaen ti akademiko ken panagsukisok a panagtinnulong ken mapasayaat ti panagadal dagiti ganggannaet nga estudiante iti pagilian.
Naitalek iti Commission on Higher Education ti pannakaipatungpal ti programa segun iti Transnational Higher Education Act wenno Republic Act 11448.
Ti 2027 proposed National Expenditure Program ket nangipaay iti P1.326 trillion para iti edukasion, ti kangatuan a badyet ti edukasion iti pakasaritaan.
-- ADVERTISEMENT --
