Agtaltalinaed a kangrunaan a prayoridad ti Kamara ti edukasion iti gakat a 2027 national budget, kabayatan a nanayonan ti P12.23 bilyon ti pondo para iti sector ti salun-at.
Iti House General Appropriations Bill nga aprubado iti maikadua a pannakaibasa, agtaltalinaed iti P11.07 trilyon a pondo para iti edukasion.
Nangilatang pay ti Kamara ti nayon a P10.05 bilyon para kadagiti programa iti sektor, pakairamanan ti tulong pinansial kadagiti estudyante, panangsimpa kadagiti pagadalan, ken dadduma pay.
Pakairamanan daytoy ti P2.1 bilyon para iti Tertiary Education Subsidy, P1.77 bilyon para iti Tulong Dunong Program ken P952 milyon para iti panangipatakder ken panangtarimaan dagiti pasilidad ti pagadalan.
Kabayatanna, ngimmato iti P358.82 bilyon ti gakat a pondo para iti salun-at manipud iti P346.59 bilyon iti National Expenditure Program (NEP).
