
Pagpalpalawagen ti Land Transportation Office (LTO) ti vlogger a ni Geo Ong gapu iti mapapati a panagmanehona iti motorsiklo ken adda pay dua a kinalubbonna nga amin ida ket awan suotna a helmet.
Nangiruar ti LTO iti show cause order kontra ken ni Ong kalpasan a nag-viral iti social media ti nasao a ladawan ken video, ket nabilin a sumango iti LTO Palawan District Office tapno mangipasa iti sinapataanna a palawag.
Karaman kadagiti panaglabsing a Dinakamat ti ahensia ti saanna a panagisuot iti standard protective helmet, panangilugan iti nasursurok pay ngem maysa, ken reckless driving gapu iti panangalana iti ladawan wenno video kabayatan nga agmanmaneho.
Maidalan met iti 90 nga aldaw a preventive suspension ti lisensia ni Ong ken nabilin nga isukona daytoy iti LTO.










