Impasigurado ti Malakanyang a saan pay a pinal iti pannakaipatungpal ti kontrobersial a Pax Silica Project.
Dayta ket kasaruno iti panawagan nga ipasardeng ti proyekto gapu iti amak iti suplay ti danum, kuriente, ken mapapati a pagkurangan iti konsultasyon dagiti apektado a komunidad.
Segun ken ni Palace Press Officer Undersecretary Claire Castro, agtultuloy nga ad-adalen ti gobierno iti amin nga isyu maipanggep iti proyekto, pakairamanan iti agbalin nga epektona iti danum ken kuryente.
Kinunana a posible a mabaliwan pay ti sumagmamano a probisyon iti proyekto no isu ti mangpasayaat kadagiti Pilipino ken kadagiti pagilian a katinnulong iti Pilipinas.
Kabayatanna, nagkedked a nagkomento ni Castro iti kinaawan nga ideya ni Vice President Sara Duterte maipanggep ti Pax Silica.
