--Ads--
Silulukat ni Pres. Ferdinand Marcos Jr. iti posibilidad nga ipariten iti pagilian ti Facebook ken sumagmamano nga online games.
Dayta ket kasaruno ti rekomendasyon ti Cybercrime Investigation and Coordinating Center (CICC) nga i-ban ti Facebook gapu iti panagraira iti misinformation ken tapno masalakniban dagiti agtutubo kontra iti panagabuso.
Segun ken ni Palace Press Officer Usec. Claire Castro, silulukat ti presidente iti panangikkat ti aniaman a mabalin a makapadakes kadagiti agtutubo.
No pay kasta, kinuna ti Malakanyang a kasapulan pay a maadal no makatulong a talaga ti panagiparit iti pananglapped ti fake news ken dadduma pay a peggad gapu iti social media ken online gaming platforms.
-- ADVERTISEMENT --
