--Ads--
Imbilin ni President Ferdinand Marcos Jr. ti agtultuloy a surveillance wenno panagbantay kadagiti lugar ken tattao a nadaras a makaptan ti monkeypox wenno mpox.
Iti pannakitaripnong ti presidente iti Department of Health idiay Malakanyang ket pabpabantayanna dagiti tattao a nalainganen ti mpox.
Segun ken ni Health Sec. Ted Herbosa, dagiti immunocompromised wenno nakapsot ti immune system-na ti kapeggadan iti mpox.
Inyunay-unay ti secretary a saan pay laeng a kasapulan nga ideklarar ti public emergency ta bassit pay laeng ti kaso ti mpox ken nababa ti fatality rate wenno tyansa ti mamatay gapu ti nasao a sakit.
-- ADVERTISEMENT --
Sinigurado ti secretary a nakasagana iti DOH hospitals a tignayan ken imanehar dagiti mairerekord a kaso iti mpox.
