--Ads--
Simmangpeten idiay Bangkok, Thailand ni Gazini Ganados para iti kaunaan a Miss Grand International All Stars.
Iti umuna nga aldaw ti pageant activities, nagrampa ni Gazini a nakasuot iti phoenix-inspired outfit nga aramid ti Filipino designer a ni Patrick Isorena.
Karaman ni Gazini iti Top 5 ti umuna a Hot Picks ti Missosology idinto a nakastrek met iti Top 20 ni Fuschia Ravena nga adda iti maika-11 a puesto.
Kadua da Gazini ken ni Fuschia iti kompetision dagiti dadduma pay a Filipino candidate a da Imelda Schweighart, Keylyn Trajano, ken ni Alexia Nunez.
-- ADVERTISEMENT --
59 a kandidata manipud iti nadumaduma a pagilian ti sumali iti nasao nga all-star edition ti pageant.
