Panagpatrolya ken Surveillance operations ti Armed Forces of the Philippines iti Bajo de Masinloc, agtultuloy

Agtultuloy ti panag-patrol ken surveillance operations ti Armed Forces of the Philippines (AFP) iti Scarborough Shoal wenno Bajo de Masinloc, kalpasan ti “dangerous ken provocative actions” ti air force ti China iti nasao a lugar.
Inyunay-unay ni AFP spokesperson Colonel Francel Padilla a pagtalinaedenda ti sovereignty ken seguridad ti pagilian iti maritime domain iti laksid ti kallabes nga insidente a nakairamanan ti China air force.
Dua nga eroplano ti People’s Liberation Army (PLA) Air Force ti nag-execute ti dangerous maneuvers bayat a mangisaysayangkat ti NC-212i Philippine Air Force (PAF) propeller aircraft iti maritime patrol iti Scarborough Shoal.
Segun ken ni AFP chief General Romeo Brawner Jr., awan man ti nadangran a personnel a nakalugan iti aircraft, nakibiang ti Chinese Aircrafts kadagiti lawful flight operations ken naglabsing ti international law iti aviation safety.