Namonitor iti tallopulo ket innem a Chinese vessel ti Armed Forces of the Philippines (AFP) iti uppat a maritime features idiay West Philippine Sea manipod May 19 agingga 25.
Idiay Ayungin Shoal ket nakita iti walo a Chinese Coast Guard Vessels wenno CCGV ken maysa a People’s Liberation Army Navy Ships.
Idinto a siam met a CCGVs ken sangapulo a PLA Navy ships iti nakita idiay Bajo de Masinloc.
Idiay Escoda Shoal ket namonitor iti 3 CCGVs ken dua a PLA Navy ships ken iti Pag-asa Island ket namonitor iti pakabuklan a tallo a barko iti China. Agtultuloy iti panagbantay iti Armed Forces of the Philippines iti national territory ken soberania iti pagilian kasaruno ti international law ken iti gagaem a mapagtalinaed ti kappia ken kinatibker iti rehiyon.
