Binabalaw ti House prosecution panel ti panangipapilit dagiti sumagmamano a senador nga agaramat ti online participation no mangrugi ti impeachment trial kontra ken ni Vice President Sara Duterte.
Inawagan ni House trial spokesperson Representative Zia Alonto Adiong ti nadakamat a sistema a ‘Zoom impeachment’ a posible a mangpakapsot iti talek ti publiko no mapalubosan.
Pinasingkedan ni Adiong a saan a nasken a palubosan ti Senate leadership dagiti senador nga umatendar ken agbotos iti online iti impeachment proceedings.
Sinublian ti agpampanday linteg ti nagbalin nga epekto ti online classes idi panawen ti pandemya a bimmaba ti kalidad ti pannakasursuro dagiti estudyante gapu iti remote participation nga inawagan da idi a Zoom classes.
Impaganetget ti opisial a napatpateg ti pisikal a presensya dagiti senador iti maysa nga impeachment trial gapu ta kasapulan a personal a madengngeg ti testimonia ken personal a masukisok ti ebidensia.
