Inlawlawag ti Armed Forces of the Philippines (AFP) a paset laeng ti standard security operations da ti pannaka-deploy dagiti Marines iti Senado ken awan ti pakainaiganna iti aniaman a napasamak nga insidente.
Segun ken ni AFP spokesperson Col. Francel Margareth Padilla, dagiti kameng da ket regular a nadutokan tapno mangted ti perimeter security iti agduduma nga institusyon kas paset ti nabayagen a protocol.
Adda pay nadutokan a kadua da iti kangrunaan a pasdek ti gobierno kas ti Malacañang Palace ken uray pay iti Rizal Monument.
Inaramid ti opisial ti statement iti tengnga dagiti saludsod ken agwarwaras a damag a mangiyar-arig iti deployment iti posible a panangkemmeg ken ni Senador Ronald Bato Dela Rosa nga adda pakainaiganna iti International Criminal Court (ICC) case.
