Nagbalaag ti Department of Agriculture kadagiti agang-angkat ti bagas a dagiti aglabsing iti baro a naipataw a price ceiling jet mabalin a sumango iti pannakaibalud, milyon a pisos a multa, ken panagserra ti negosio iti salinong ti Price Act.
Imbilin ni Presidente Ferdinand Marcos Jr. ti 30-days a price ceiling iti na-angkat a lima a porsiento a produkto ti bagas tapno lapdan ti saan a nainkalintegan a presio.
Pinasingkedan ni Agriculture Secretary Francisco P. Tiu Laurel Jr. a ti baro a gakat ket mangted ti gobierno iti napigpigsa a legal nga otoridad kumpara iti immuna nga intervention iti panag-presio.
Iti salinong ti Republic Act No. 7581 wenno ti Price Act, dagiti aglabsing iti impataw ti gobierno a price ceiling kadagiti kangrunaan a magatang ket mabalin a mabalud iti maysa agingga sangapulo a tawen, multa a manipud ti P5, 000 agingga P1 milyon wenno agpada depende iti decision ti korte.
