MITA, nagpanawagan iti DA a makanselar ti 60 nga aldaw nga import ban

Nagpanawagan ti Meat Importers and Traders Association iti Department of Agriculture a kanselaren ti 60 nga aldaw a suspension iti panagangkat iti karne ti baboy gapu iti posible a kinakurang ti suplay ken panagpangina ti presiona.

Segun iti grupo, saan a kabaelan a punwan ti lokal nga industria ti baboy ti pagkurangan gapu iti nangina a gastos iti produksion ken dadduma pay a karit a pang-ekonomia.

Ballaag pay ti MITA a maapektaran ti babassit a negosio, meat processors, ken food service operators a mangnamnama iti imported pork kas nalaka a paglaok.

Nupay kasta, impataw ti DA ti import ban kalpasan a makita a makaap-apektar ti iseserrek ti imported pork iti lokal nga industria ti panagtaraknan.