--Ads--
Ibilang ni Senador Sherwin Gatchalian a maysa a dakkel a pukaw para ti gobierno ti panagikkat ni National Bureau of Investigation (NBI) Director Jaime Santiago iti puesto.
Segun ken ni Gatchalian, nagbalin a napateg a paset ti kampania iti gobierno kontra ti kriminalidad ti panangidaulo ni Santiago kangrunaan ti pananglaban kadagiti sindikato nga adda iti likod ti Philippine Offshore Gaming Operators (POGOs).
Nagyaman ti senador ken ni Santiago iti impakitana a dedikasyon ken kontribusyon para iti nataltalged a pagilian.
Mangnamnama ti senador nga itultuloy iti siasinoman a sumukat iti puesto ti trabaho a narugian ni Santiago ken mapatibker ti law enforcement iti pagilian.
-- ADVERTISEMENT --
Nagakem ni Santiago a hepe iti NBI idi July 2024.
