--Ads--
Temporaryo a nawaya-wayaan ti dati a broadcaster a ni Jay Sonza kalpasan a nangipila iti P10,000 a piansa mainaig iti sangsangwenna a kaso nga unlawful means of publication ita nga aldaw.
Impakita ti abogado ni Sonza a ni Mark Tolentino ti release order ti Regional Trial Court Branch 118 kalpasan ti panagpiansana.
Binilin ti korte ti NBI Detention Facility a mawayawayaan ni Sonza manipud iti kustodia kalpasan a nakemmeg gapu iti kaso a naipila iti salinong ti Cybercrime Prevention Act of 2012 gapu iti mapapati a panagiwarasna iti fake news mainaig iti salun-at ni Presidente Ferdinand Marcos Jr.
Pormalen a nagkiddaw iti pammakawan ti korte iti immuna a pannakairuar ti warrant of arrest a mangibagbaga a ‘non-bailable’ ti kaso.
-- ADVERTISEMENT --
