Impaganetget ni Liberal Partylist Rep. Leila de Lima a saan a ‘guesswork’ ti ebidensia kontra ken ni Vice President Sara Duterte mainaig iti maipagarup a pangta iti Presidente, First Lady ken dati nga House Speaker.
Segun ken ni De Lima, nalawag ken saan nga ‘out of context’ ti threat video nga iggem ti House Committee on Justice, a kinumpirma pay nga authentic ti National Bureau of Investigation (NBI).
Innayon ti agpampanday linteg, saan pay a nagkedked ti bise presidente ti nadakamat a video, isu a saan a masapol a nga iyaleng-aleng ti dagsen ti ebidensia.
Dinakamat pay ni De Lima a ti palawag ti kampo ni VP Sara ket kasla kayat da a takkuban ti patangan ti pannaka-dusa, kangrunaan ta saan nga immatendar ti bise presidente iti impeachment hearings tapno sungbatan dagiti alegasion.
