--Ads--
Natalek ni Presidente Ferdinand Marcos Jr a saan a traydoren isuna dagiti aktibo a suldado kalpasan a rimmuar iti panagdengngeg ti House Committee on Justice a ti hired assassin a mapapati a nakapatang ni Vice President Sara Duterte ket maysa nga aktibo a miembro ti Armed Forces of the Philippines.
Segun ken ni Palace Press Officer Atty. Claire Castro, napno ti talek ti Presidente iti AFP ken no asino man ti manggandat a mangpatay kenkuana ket ipaimanan iti National Bureau of Investigation.
Iti panagdengngeg ti House Justice Committee, pinasingkedan ni NBI Director Melvin Matibag a posible a miembro ti AFP ti maysa kadagiti nakapatang ti bise presidente tapno patayen ti presidente no adda dakes a mapasamak kenkuana.
