Inamin ni Palace Press Officer Claire Castro a naggapu idiay Malakanyang iti inruarna a pakaammo maipanggep ti mapapati a panagikkat ni dati nga Executive Secretary Lucas Bersamin gapu iti delicadeza.
Segun ken ni Castro, saanna a personal nga interpretasyon no diketdi maibasar iti impormasyon ken bilin nga imbaba iti Malakanyang.
Paset pay dayta iti reorganization nga insayangkat ti administrasyon tapno masigurado a naurnos ken agtultuloy ti taray iti gobierno iti baet dagiti panagbalbaliw.
Pinaglibakan pay ni Castro nga adda mapaspasamak a biglaan wenno saan a naurnos a panagikkat kadagiti opisyal ti administrasyon.
Kinunana a normal dagiti panagbaliw iti liderato ta amin nga opisyal ti ehekutibo ket agserserbi kas maibasar ti kayat ti presidente.
