Nagpanawagan ni Senador Erwin Tulfo para iti dagus a pannakaipasa ti Media Workers’ Magna Carta kalpasan ti napasamak a panagpaputok iti Senado idi Mayo 13 a nakaisagmakan ken nagbalin a trauma kadagiti journalist nga agipadpadamag iti Upper Chamber.
Iti maysa nga statement, inawagan ni Tulfo a ‘blatant disrespect’ ti sitwasion dagiti journalist nga inaldaw a narisgo ti biagda uray no kurang iti benepisio ken seguridad iti trabaho.
Segun iti senador, napateg ti akem ti media iti panangilanad ti kinapudno nangruna kadagiti insidente nga adda pakainaiganna iti kinaranggas dagiti otoridad.
Impaganetgetna a nasken koma a palubosan dagiti otoridad dagiti reporter ken cameramen nga ag-cover iti lugar ti pasamak tapno agserbi a dokumentasion iti nagbalin a tignay ti law enforcement.
