Imbilinen ni Philippine National Police Chief PGen. Jose Melencio Nartatez Jr. ti maysa nga independent investigation mainaig iti pammabasul nga adda dagiti lokal a pulis a nang-escort iti maysa a van a mapapati a linuganan ni Senador Ronald Bato Dela Rosa a rimmuar iti Senate compound idi Mayo 14.
Segun iti PNP, nabilinen dagiti imbestigador a kitaen ti nadumaduma nga ebidensia kas dagiti logbook, CCTV footage, radio dispatches, deployment logs, ken body camera footage tapno makita no adda napasamak nga otorisado a panangtulong manipud kadagiti pulis.
Gagem ti imbestigasion a maberipika no adda panaglabsing kadagiti patakaran ken no adda dagiti personnel a nangaramat iti turay wenno alikamen ti kapulisan nga awan ti pammalubos.
Iti agdama, awan pay ti nairuar nga opisial a resulta mainaig iti pasamak ta agtultuloy ti nainget nga imbestigasion.
