--Ads--
Pimmusayen ni Felicien Kabuga iti tawenna a 93 kabayatan a nakakustodia iti maysa nga UN detention center idiay The Hague.
Ni Kabuga ket maysa kadagiti kangrunaan a suspek iti Rwandan genocide idi 1994 a nasurok 800,000 a Tutsis ken moderate Hutus ti pinapatay dagiti Hutu extremist iti uneg ti 100 nga aldaw.
Nakemmeg idi isuna idiay France idi 2020 kalpasan a naglemmeng iti nasurok 2 a dekada.
Naakusaran isuna a mangiwarwaragawag iti hate speech babaen iti radio station-na ken panangtulong iti panangted armas kadagiti militia.
-- ADVERTISEMENT --
Mangisayangkat met ti Mechanism for International Criminal Tribunals iti imbestigasion mainaig iti pannakatayna.
