Inkari ni Presidente Ferdinand Marcos Jr. a mapapigsa ti healthcare system ti pagilian.
Daytoy ket kalpasan a nagilatang ti gobierno ti P549 bilyon a pondo para iti nasaysayaat a pasilidad, alikamen, ken health professional kangrunaan kadagiti lugar a kurang ti serbisio medikal.
Segun ken ni Marcos, nasurok P427 bilyon ti nailatang para iti Department of Health ken PhilHealth, nasurok P13 bilyon para iti specialty needs, dandani P9 bilyon para iti ospital ti Department of National Defense ken Philippine National Police ken P98 bilyon para iti health programs dagiti local government unit’s.
Dandani P1 bilyon met ti nailatang para iti medical scholarships ken P1.4 bilyon para iti medical assistance ken zero balance billing ti PGH.
Nangited met ni presidente Marcos ti P15 milyon para iti Baseco Hospital ken bimmisita iti OMMC a nakairekord ti kadakkelan a bilang dagiti benepisyaryo ti PhilHealth’s Yaman ng Kalusugan Program (YAKAP).
