Nagiruar ti Department of Budget and Management iti panangidaulo ni Acting Secretary Rolando Toledo ti nayon a P7.372 bilyon kas panangsurot ti pammilin ni Presidente Ferdinand Marcos Jr.
Gagem daytoy a masuposopan a buo ti nabatbati a cash requirement para iti Fiscal Year 2025 Service Recognition Incentive kadagiti kualipikado a mangisursuro ken non-teaching personnel iti intero a pagilian.
Inaprubaran ti DBM ti Notice of Cash Allocation ket pinasingkedan ni Palace Press Officer Undersecreatary Atty. Claire Castro, ti panag-abrupar ti cash allocation ket mabalin a mabayadan ti nabatbati a balance tapno maawat dagiti benepisyaryo.
Maipalagip a nagiruar ni Presidente Marcos ti Administrative Order a mangted ti pammalubos iti panangited ti one-time Service Recognition Incentives para iti amin a kualipikado nga opisial ti gobierno para iti tawen 2025.
