Umabot iti 45 million ti bilang dagiti estudiante iti nadumaduma a lebel ti nakalung-awen manipud iti panagbalinda nga ‘struggling reader’ kalpasan ti School Year 2025-2026, maibasar iti resulta ti Comprehensive Rapid Literacy Assessment, Rapid Math Assessment, ken Philippine Informal Reading Inventory.
Segun iti Department of Education, bimmaba daytoy iti 2.2-M manipud iti 6.7-M nga struggling readers; idinto a ngimmato met iti 5.8-M manipud iti 3.3-M ti bilang dagiti ‘grade-level ready’ reader.
Karaman kadagiti nairekord nga improvement ket ti nagkissay a bilang dagiti estudiante nga adda iti not or low proficient’ level iti math, kasta payen ti panagbaba dagiti ‘emerging learner’ iti amin a grade level.
Pinasingkedan ni DepEd Secretary Sonny Angara a dakkel ti naitulong dagiti targeted intervention iti literacy ken numeracy, a paset iti tarigagay ti gobierno tapno sumayaat ti kalidad ti edukasion iti pagilian.
