--Ads--

Nasentensyaan a guilty iti walo a kaso a kriminal ti Florida-based pastor a ni Christian Emmanuel Sanon mainaig iti panagkunsabus tapno mapatakyas ken mapapatay ti dati a Presidente ti Haiti a ni Jovenel Moise idi 2021.

Segun kadagiti mangus-usig, gagem ti Sanon a sukatan ni Moise kas presidente tapno makaala kadagiti kontrata para iti maysa a kompania a nakabase idiay Florida.

Idi July 7, 2021, napapatay ni Moise iti uneg ti pagtaengan dagiti armado a mersenaryo a Colombian, idinto a nadunor met ti asawana iti nasao a panagraut.

Kalpasan ti walo a lawas a panagusig idiay Miami, nasentensyaan ni Sanon kadagiti amin a kaso ken posible a masentensyaan iti tungpal-biag a pannakaibalud, ngem impaganetget ti abogadona nga awan ti basulna ken yapelada ti desision.

-- ADVERTISEMENT --