--Ads--

Binigbig ni Atty. Rainer Dela Fuente, testigo ti defense team ni Vice President Sara Duterte iti impeachment trial, nga adda makapaatap a transaksion wenno ‘red flags’ iti Cale88 Foods Corporation, kompania a mainanaig iti asawa ti bise presidente a ni Atty. Manases Carpio.

Iti panagsaludsod ni Senator-Judge Risa Hontiveros, rimmuar a nasurok P700-M ti kuarta a simrek iti kompania, idinto a nakurang P200-M laeng ti naideklarar a pastrekna iti BIR, malaksid pay iti 757 covered ken suspicious transaction reports nga aggatad iti P1.2 billion.

Kabayatanna, inlawlawag ni Dela Fuente a saan a dagus a kayatna a sawen nga iligal nga aramid dagiti red flag ta kasapulan pay a dumalan iti nainget a panagadal ken beripikasion.

Nakiddaw pay iti panagdengngeg ti naun-uneg nga imbestigasion iti mapatta-patta a P2.7 biliong bank transactions a mainanaig ken ni Duterte, agraman ti panangkita kadagiti orihinal a rekord ti bangko tapno maammuan ti nagtaudan dagiti pondo.

-- ADVERTISEMENT --