Imbilin ni President Ferdinand Marcos Jr. iti amin a concerned government agencies iti gobierno tapno siguradoen ti natalged ken naurnos a repatriation wenno boluntaryo a panagpaawid dagiti Pilipino idiay Israel ken Iran gapu iti agtultuloy a tensyon iti nasao a lugar.
Segun ken ni Pres. Marcos, manarimaan iti panangiproseso ti gobierno dagiti duagasut a repatriation request dagiti Pilipino manipod iti dua a pagilian.
Adda idiay Amman, Jordan ni Department of Migrant Workers Secretary Hans Cacdac tapno awaten ti immuna a batch dagiti duapulo ket innem nga OFW nga agawid manipod Israel iti King Hussein Crossing.
Kinuna ni President Marcos nga insigida a maited iti food packs ken pinansial a tulong kadagiti apektado a Pilipino idiay Israel.
Adu kadakuada iti agtaltalinaed iti hostel ti Migrant Workers’ Office ket adda nayon nga espasyo iti kasapulan.
